Boran, úskirik aıaz, tuman: 18 qańtarǵa arnalǵan aýa raıy boljamy

ASTANA. QazAqparat - Qazgıdromet mamandary 18 qańtar, sársenbige arnalǵan aýa raıy boljamyn jarııalady.

Qazaqstan aýmaǵynyń basym bóligi áli de antıtsıklon yqpalynda bolǵandyqtan jaýyn-shashyn jaýmaıdy.

Eldiń ońtústiginiń taýly aımaqtarynda qatty jaýyn-shashyn (jańbyr, qar) bolady.

Tek respýblıkanyń shyǵysynda atmosferalyq fronttardyń áserinen azdaǵan qar, jaıaý burqasyn, eldiń ońtústiginde – jel kúsheıip, tuman túsedi.

Túnde Jetisý oblysy men Almaty oblysynyń soltústiginde, shyǵysynda, taýly aýdandarynda 25-26 gradýs qatty aıaz saqtalady.