Boran, tuman, kóktaıǵaq: Birneshe óńirde aýa raıyna baılanysty eskertý jarııalandy

ASTANA. QazAqparat – Respýblıkanyń toǵyz óńirinde 19 qarashada boran, tuman jáne kóktaıǵaq bolady, dep habarlaıdy QazAqparat «Qazgıdromet» RMK-ǵa silteme jasap.

19 qarashada Soltústik Qazaqstan oblysynyń batysynda, ońtústiginde, shyǵysynda jaıaý burqasyn bolady. Túnde jáne tańerteń oblystyń batysynda tuman túsedi. Batystan, soltústik-batystan jel soǵady, kúndiz oblystyń basym bóliginde ekpini 15-20 m/s.

Petropavl qalasynda kúndiz 19 qarashada batystan, soltústik-batystan jel soǵady, ekpini 15-20 m/s-ke jetýi múmkin.

19 qarashada Mańǵystaý oblysynyń soltústik-batysynda, ońtústiginde, ortalyǵyna tuman túsedi.

19 qarashada túnde jáne tańerteń Batys Qazaqstan oblysynyń soltústiginde, shyǵysynda tuman túsip, kóktaıǵaq bolady. Jel ońtústik-shyǵystan soltústik-batysqa aýysyp soǵady, túnde oblystyń soltústik-batysynda ekpini 15-20 m/s.

Oral qalasynda 19 qarashada túnde jáne tańerteń tuman túsip, kóktaıǵaq bolady.

19 qarashada Aqmola oblysynyń soltústiginde, shyǵysynda, ortalyǵynda burqasyn bolady. Oblystyń soltústiginde, shyǵysyna tuman túsedi. Ońtústik-shyǵystan soǵatyn jel soltústik-batysqa aýysyp, kúndiz oblystyń soltústiginde, shyǵysynda ekpini 15-20 m/s bolady.

19 qarashada túnde Aqtóbe oblysynyń batysynda, soltústiginde, kúndiz soltústiginde, shyǵysynda kóktaıǵaq bolýy yqtımal.

Aktóbe qalasynda 19 qarashada keı ýaqytta kóktaıǵaq bolady.

19 qarashada túnde Túrkistan oblysynyń taýly aýdandarynda keı ýaqytta qatty jaýyn-shashyn (jańbyr, qar) bolady. Oblystyń batysynda, ońtústiginde, taýly jáne taý bókterli aýdandarynda tuman túsedi. Ońtústik-batystyn jel soǵady, taý asýlarynda kúshi 15-20 m/s.

Shymkent qalasynda 19 qarashada túnde keı ýaqytta tuman túsedi. Túrkistan qalasynda 19 qarashada túnde keı ýaqytta tuman túsýi múmkin.

Kúndiz 19 qarashada Pavlodar oblysynyń soltústiginde, batysynda burqasyn bolady. Ońtústik-batystan jel soǵady, kúshi 15-20 m/s.

19 qarashada Jambyl oblysynyń ońtústiginde, taýly aýdandarynda tuman túsýi yqtımal. Ońtústik-shyǵystan soǵatyn jel ońtústik-batys baǵytqa aýysady, oblystyń ońtústik-batysynda, soltústik-shyǵysynda, taýly aýdandarynda jyldamdyǵy 15-20 m/s, kúndiz ekpini 23 m/s-ke jetedi.

Taraz qalasynda 19 qarashada túnde jáne tańerteń tuman túsedi. Ońtústik-shyǵystan soǵatyn jel ońtústik-batys jeline aýysady, tańerteń jáne kúndiz ekpini 15-20 m/s bolady.

19 qarashada Qostanaı oblysynyń soltústik jartysynda qar, burqasyn bolatyny boljanady. Oblystyń ońtústiginde tuman, kóktaıǵaq bolýy yqtımal. Ońtústik-batystan soǵatyn jel soltústikke aýysady, oblystyń batysynda, soltústiginde ekpini 15-20 m/s jetedi.