Boran: «Óskemen – Rıdder - RF shekarasy» trassasy jabyldy

ÓSKEMEN. QazAqparat - Shyǵys Qazaqstan oblysynda qar, boran, joldyń kóriný nasharlyǵyna baılanysty avtojol jabyldy. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Atap aıtqanda, 23 qarasha kúni saǵat 13:45-ten bastap «Óskemen – Rıdder - RF shekarasy» avtojolynyń 129-191 shaqyrymynda, ıaǵnı Rıdder qalasy men RF shekarasy arasyndaǵy ýchaskede avtokóliktiń barlyq túrleri úshin qozǵalysqa tyıym salyndy.

«Tótenshe jaǵdaılardy boldyrmaý maqsatynda kólik ıelerine alys saparǵa shyqpaýǵa keńes beriledi.

Oqys jaǵdaı oryn alsa, 1403 nómiri boıynsha táýlik boıy jumys isteıtin call-ortalyqqa habarlasýǵa bolady», - delingen mınıstrlik málimetinde.