Boran men tuman: 13 oblysta aýa raıyna baılanysty eskertý jasaldy

<p>ASTANA. KAZINFORM &mdash; 15 qańtarda Qazaqstannyń 13 oblysynda aýa raıyna baılanysty eskertý jarııalandy. Bul týraly &laquo;Qazgıdromet&raquo; RMK baspasóz qyzmeti habarlady.</p>

Abaı aýdanynyń batysynda, ońtústiginde jáne ortalyǵynda qarly boran soǵady. Jel ońtústik-shyǵystan soǵady, batysta, ońtústikte, oblys ortalyǵynda kúshi 15-20 m/s, keı ýaqytta ekpini 25 m/s jetedi.

Aqmola oblysynyń batysy men soltústiginde burqasyn kútiledi. Kúndiz ońtústik-batystan jel soǵady, oblystyń soltústigi men shyǵysynda ekpini 15-20 m/s jetedi.

Atyraý oblysynyń ońtústigi men shyǵysynda kóktaıǵaq bolady. Oblystyń batysy men shyǵysynda tuman túsedi.

Shyǵys Qazaqstan oblysynyń soltústiginde, ońtústiginde jáne ortalyǵynda tuman túsedi. Shyǵystan jáne ońtústik-shyǵystan soǵatyn jel ekpini 15-20 m/s.

Jambyl oblysynyń soltústiginde, ońtústiginde, taýly aımaqtarynda tuman túsedi. Soltústik-shyǵystan soǵatyn jel ońtústik-batysqa aýysady, oblystyń taýly aımaqtarynda ekpini 15-20 m/s jetedi.

Batys Qazaqstan oblysynyń batysynda, soltústiginde jáne shyǵysynda kóktaıǵaq bolyp, tuman túsedi.

Qaraǵandy oblysynyń soltústiginde ońtústik-shyǵystan jel soǵady, ońtústik-batysqa aýysady, ekpini 18 m/s.

Qostanaı oblysynyń batysynda, soltústiginde jáne shyǵysynda burqasyn kútiledi. Ońtústikte, oblys ortalyǵynda tuman túsedi. Kúndiz oblystyń shyǵysynda ońtústik-batystan jel soǵady, ekpini 15-20 m/s.

Kúndiz Qyzylorda oblysynyń soltústigi men batysynda kóktaıǵaq kútiledi.

Mańǵystaý oblysynyń batysynda, soltústiginde jáne ortalyǵynda kóktaıǵaq bolady. Túnde jáne tańerteń oblystyń soltústigi men ońtústiginde tuman túsedi.

Soltústik Qazaqstan oblysynda qar jaýady dep kútilýde. Túnde oblystyń batysynda jáne soltústiginde burqasyn kútiledi, kúndiz oblystyń batysynda, soltústiginde, ońtústiginde burqasyn kútiledi. Túnde jáne tańerteń oblystyń soltústik-shyǵysynda tuman túsedi. Oblystyń batysynda, soltústiginde, ońtústiginde ońtústik-batystan soǵatyn jeldiń ekpini 15-20 m/s jetedi.

Ońtústikte, Túrkistan oblysynyń taýly aımaqtarynda tuman túsedi. Oblystyń taýly aımaqtarynda kúndiz ońtústik-batystan soǵatyn jeldiń kúshi 15-20 m/s.

Soltústikte, Ulytaý oblysynyń ortalyǵynda keı jerlerde tuman kútiledi.

Buǵan deıin habarlanǵandaı, Atyraýda birden úsh respýblıkalyq jol jabyldy.