Book&Soffee, Quiz, kórme-jármeńke, karaoke — elordada erekshe kitap festıvali ótedi
«KitapTime – 2023» ІІ jalpy respýblıkalyq kitap festıvali QR Ulttyq akademııalyq kitaphanasynda 15 qyrkúıek kúni saǵat 12:00 men 22:00 aralyǵynda ótpek.
Festıval aıasynda kúndizgi ýaqytta túrli baspalardyń qatysýymen kórme-jármeńke, «Art-vision» qolóner sheberleri men sýretshilerdiń pavılony, bookcrossing, photo zone, balalar shyǵarmashylyǵyna arnalǵan alańda ertegiler qoıylymy, sheberlik saǵattary, ınteraktıvti, ulttyq oıyndar, balalar ádebıetiniń keıipkerler sherýi, fleshmob uıymdastyrylady.
Keshkilik festıvalǵa jınalǵandar «Reader» - juldyzdardyń qatysýymen kitaphanaǵa jazylý aktsııasyna, «Kitaphanalyq tún» mádenı sharasyna qatysady.
«Kitaphanalyq tún» baǵdarlamasynda bıznes-koýchıng, «Musikal party» klassıkalyq mýzyka keshi, «Quiz» ıntellektýaldyq alańy, poezııa keshi, Astananyń túngi aspanyn teleskoppen tamashalaý, túngi karaoke, ANTIKAFE «Book & Soffee» syndy túrli qyzyqty mádenı, rýhanı sharalar uıymdastyrylady.
Festıvaldiń maqsaty – kitap oqýdy keńinen nasıhattaý, ıntellektýal jastardy yntalandyrý, mádenı qundylyqtarymyzdy halyqqa jetkizý.
Festıvalǵa qoǵam jáne memleket qaıratkerleri, zııaly qaýym ókilderi, elimizge tanymal óner juldyzdary, jas qalamgerler, blogerler, BAQ-ókilderi, ustazdar, balalar, kitaphanashylar jáne oqyrmandar men elorda qonaqtary qatysady dep kútilýde.