Bomba týraly jalǵan aqparattyń kesirinen Air Astana ushaǵy 6,5 saǵatqa keshigip ushty
16:01, 17 Sáýir 2023
ASTANA. QazAqparat - Astana-Almaty baǵytyndaǵy KC996 reısinde jolaýshylardyń biri ekıpajǵa ushaqta bomba bar ekenin aıtqan, dep habarlaıdy QazAqparat Air Astana kompanııasynyń baspasóz qyzmetine silteme jasap.
Jolaýshylar men ekıpaj shtatty rejımde evakýatsııalandy.
Áýe kemesi tekserildi. Reıs 6 saǵat 29 mınýtqa keshikti.
Áýe kompanııasy atalǵan reıstiń jolaýshylaryn tamaqpen qamtamasyz etti.
Bomba týraly aqparat rastalmady. Jalǵan aqparat taratqan jolaýshy quqyq qorǵaý organdaryna berilip, 273-bap boıynsha qylmystyq is qozǵaldy.