Bomba bar delingen Pavlodar mektebinen 1 myńnan astam oqýshy evakýatsııalandy
Búgin tótenshe jaǵdaı qyzmetine «Akademık Shókın kóshesi, 27 úı mekenjaıynda ornalasqan Baýyrjan Momyshuly atyndaǵy jalpy orta mektebinde terrorıster bar» degen qońyraý túsken.
Oqıǵa ornynan 1048 oqýshy men 83 qyzmetker evakýatsııalandy. Jarylǵysh zat tabylǵan joq.
Pavlodar oblysy PD bastyǵynyń birinshi orynbasary Jasqaırat Qaıyrovtyń aıtýynsha, atalǵan fakt boıynsha Qylmystyq kodekstiń 273-baby boıynsha is qozǵalǵan.
Eske sala keteıik, keshe de Pavlodarda áldekim «Kataev kóshesindegi 21-úıdi jaryp jiberemiz» dep habarlaǵan bolatyn.
Ol «terrorısti» polıtsııa qyzmetkerleri ustaǵan.
Polıtsııa terrorızm aktisi týraly kórineý jalǵan habarlaý qylmystyq quqyq buzýshylyq bolyp tabylatynyn jáne qylmystyq jaýaptylyqqa ákep soǵatynyn jáne 5 jylǵa deıingi merzimge bas bostandyǵynan aıyrýǵa jazalanatynyn eske salady.