Boljam: Aldaǵy kúnderi Almatyda joıqyn jer silkinisi bolmaıdy

<p>ALMATY. KAZINFORM - Aldaǵy kúnderi Almaty aýmaǵynda joıqyn jer silkinisteri bolmaıdy. Boljamnyń dóp kelý yqtımaldyǵy &mdash; 70%. Seısmıkalyq baqylaý men zertteý Ulttyq ǵylymı ortalyǵynyń seısmıkalyq jaǵdaıdy baǵalaý jónindegi komıssııasy osyndaı málimet taratty.</p>

Operatsııalyq seısmıkalyq derekterdi taldaı otyryp, komıssııa 2024 jyldyń 4 naýryz kúni 12 saǵat 20 mınýtta Almaty boljam jasaý polıgonynda seısmıkalyq jaǵdaı turaqty ekenin atady.

Búgin saǵat 11:22-de (Grınvıch boıynsha) Qazaqstan men Qyrǵyzstan shekarasynda bolǵan jer silkinisiniń magnıtýdasy 6.1 ball, al Almatyda sezilýi 5 ball, epıtsentrde MSK-64 shkalasy boıynsha 5-6 ball boldy.

Komıssııa jer silkinisinen soń dúmpýler bolady dep sanaıdy.

"Seısmıkalyq baqylaý men zertteý Ulttyq ǵylymı ortalyǵy" JShS seısmıkalyq jaǵdaıdy baǵalaý jónindegi komıssııa jaqyn arada kúshti jer silkinisteri 70% kútilmeıdi degen qorytyndyǵa keldi.

Seısmıkalyq baqylaýlar men zertteýlerdiń ulttyq ǵylymı ortalyǵy baqylaýdy jalǵastyrady.

Joǵaryda atalǵan komıssııanyń kelesi otyrysy osy jyldyń 6 naýryzynda aldaǵy sársenbi kúni ótedi.