Bólshektep ákelinip, elde qurastyrylǵan kólikter zańdastyrylmaıdy

ASTANA. QazAqparat – Ortalyq kommýnıkatsııalar qyzmetinde ótken brıfngte Ákimshilik polıtsııa komıteti tóraǵasynyń mindetin atqarýshy Qaısar Sultanbaev «konstrýktor» kólikterdiń zańdastyrylmaıtynyn aıtty, dep habarlaıdy QazAqparat tilshisi.

«Konstrýktor» dep tanylǵan avtokólikterdi biz zańdastyrý kezinde tirkeýge almaımyz. Nege deseńiz, bul kólikterdiń eshqandaı qujaty joq. Bul kólikter basynda shekara arqyly Qazaqstanǵa zańsyz kirgizilgen. Sondyqtan bul kólikter tirkeýge jatpaıdy. Al endi osy kólikterdi alyp kelgen jáne ony ári qaraı satqan kisiler bul kólikterdiń zańsyz ekenin biledi», - dep málim etti Qaısar Sultanbaev.

Іshki ister mınıstriniń orynbasary Igor Lepehanyń aıtýynsha, «konstrýktor» dep tanylǵan avtokólikter elimizge júrip turǵan kúıinde kirgizilmegen. Olar bólshektelip ákelinip, keıin Qazaqstanda qurastyrylǵan. Vedomstvo dereginshe, qazir elimizde mundaı 5 myńǵa jýyq kólik bar.