Bolgarııanyń jańa úkimeti ant qabyldady, elde merziminen buryn ótetin saılaý kúni belgilendi

<p>ASTANA. KAZINFORM &ndash; Bolgarııanyń jańa ýaqytsha úkimeti ant qabyldap, jumysyn bastady. El prezıdenti Rýmen Radev premer-mınıstrdiń mindetin atqarýshy Dımıtar Glavchev basqaratyn Mınıstrler kabınetiniń quramyn bekitip, merziminen buryn ótetin saılaý merzimin belgiledi &ndash; bul úsh jyldaǵy jetinshi saılaý, dep habarlaıdy <a href="https://ru.euronews.com/2024/08/27/commissioner-and-bulgarian-government" target="_blank" rel="noopener">Euronews</a>.</p>

Saılaý 27 qazanda ótedi jáne Bolgarııany burynǵy saılaýlardaǵy daýys berýshilerdiń qatysýynyń tómen kórsetkishi, basqarýshy koalıtsııalardyń ydyraýyna jáne úkimettik kópshilikti qurýdaǵy birqatar sátsiz áreketterge baılanysty týyndaǵan saıası daǵdarystan shyǵarýdy kózdeıdi.

Ótken aptada prezıdent Gorıtsa Grıncharova-Kojareva basqaratyn tehnıkalyq úkimetti taǵaıyndaý týraly jarlyqqa qol qoıýdan bas tartyp, ishki ister mınıstri qyzmetine Kalın Stoıanovtyń kandıdatýrasymen kelispedi.

«Saılaýshylardyń qatysýy tómen bolǵan kezde, saılaýdyń tutastyǵy óte mańyzdy. Sondyqtan men bizdiń basymdyǵymyz paraqorlyqpen jáne daýys berýdi burmalaýmen kúresý ekenin atap ótemin», - dedi Bolgarııa prezıdenti Rýmen Radev.

Budan bólek, Bolgarııa eldegi Eýrokomıssardyń kandıdatýrasyn anyqtaýy tıis. Merzim juma kúni aıaqtalady.

Maýsymdaǵy parlamenttik saılaýda jeńiske jetken, biraq 240 oryndyq Halyq assambleıasynda bar bolǵany 68 orynǵa ıe bolǵan ortalyq-ońshyl GERB partııasy burynǵy syrtqy ister mınıstri Ekaterına Zaharıevanyń kandıdatýrasyn usyndy.

Sondaı-aq Bolgarııadan Eýrokomıssar laýazymyna Eýropalyq sotsıalıster partııasynyń burynǵy tóraǵasy Sergeı Stanıshev pen qazirgi bilim jónindegi komıssary Ilıana Ivanova da talasýda, ony Ýrsýla fon der Lıaıen men Eýroomıssııa qoldap otyr.