Bolgarııadaǵy saıası turaqsyzdyq Eýropalyq Odaqtaǵy jaǵdaıdy qıyndatady

<p>ASTANA. KAZINFORM &mdash; Bolgarııadaǵy saıası turaqsyzdyq tutastaı alǵanda Eýropalyq Odaqtaǵy jaǵdaıdy qıyndatady. Dúısenbide merziminen buryn saılaý ótkizý týraly habarlanǵannan keıin Bolgarııadan eýrokomıssar taǵaıyndaý týraly suraqtar týyndaıdy, onyń kandıdatýrasy aıdyń sońynda usynylýy kerek, dep jazady <a href="https://ru.euronews.com/2024/08/06/unstability-in-bulgaria-threatens-eu?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">euronews.com</a>.</p>

- Men Eýropalyq Odaqta bastalǵan saılaý tartystary komıssardyń tańdaýyna áser etedi dep kútemin. Meniń oıymsha, qazirgi eýrokomıssar men Lıana Ivanovanyń kandıdatýrasy qaıtadan usynylýy múmkin, - dedi Bolgarııanyń Syrtqy ister mınıstriniń burynǵy orynbasary Mılen Keremedchıev.

Taǵy bir ózekti másele - Bolgarııanyń eýroaımaqqa kirýi. Sofııa 2025 jyly birtutas eýropalyq valıýtaǵa qosylýǵa nıetti, biraq jalǵasyp jatqan saıası daǵdarys buny joqqa shyǵarady.

- Bolgarııa úshin jospar 2025 jyldyń 1 qańtarynda eýroaımaqqa qosylý boldy. Qazir bul qısynsyz maqsat bolyp kórinedi, óıtkeni biz Eýropalyq komıssııadan áli oń esep alǵan joqpyz. Inflıatsııanyń maqsatyna qol jetkizilmedi jáne ýaqytsha úkimettiń bul sandardy baqylaýǵa alý úshin saıası erik-jigeri bolýy ekitalaı, - deıdi Berlındegi Karnegı ortalyǵynyń aǵa ǵylymı qyzmetkeri Dımıtar Bechev.

Bolgarııanyń Kovıd-19 pandemııasynan keıin ekonomıkany qalpyna keltirýge bólingen eýropalyq qarajatty alýy ekitalaı, óıtkeni bul qarjylandyrýdy bólý úshin birqatar sharttar oryndalýy kerek.