Bolgarııa astanasynda Astananyń 25 jyldyǵyna arnalǵan fotokórme ashyldy

SOFIıA. QazAqparat – Qazaqstan elordasynyń 25 jyldyǵyna oraı Sofııanyń týrıstik ortalyǵy – «Ǵashyqtar kópirinde» Astanaǵa arnalǵan taqyryptyq fotokórmeniń resmı ashylýy ótti, dep habarlaıdy QazAqparat QR Syrtqy ister mınıstrligi saıtyna silteme jasap.

Іs-sharaǵa qala ákimdigi, jergilikti zııaly qaýym ókilderi, qazaq dıaporasy, bolgar jurtshylyǵy men BAQ ókilderi qatysty.

Qazaqstannyń Bolgarııadaǵy Elshisi Vıktor Temirbaev óz sózinde Astana Eýrazııa qurlyǵynyń qaq ortasynda ornalasqan jáne toleranttylyqqa, beıbitshilikke jáne ıntegratsııaǵa shaqyrýshy dúnıejúzilik dıalog alańyna aınalǵan memleketimizdiń basty sımvoldarymyzdyń biri ekenin atap ótti. Sondaı-aq, qazaqstandyq dıplomat elordanyń damýy men qalyptasýynyń negizgi kezeńderine qysqasha toqtalyp, Astana búkil álemde shynaıy qyzyǵýshylyq týdyratyn ózgerister, ınnovatsııalar men jahandyq bastamalardyń ortalyǵy bolyp tabylatyn bolashaq qalany beıneleıtinine toqtaldy.

Aıta keteıik, «Ǵashyqtar kópiri» 2018 jylǵy 28 jeltoqsanda resmı ashylýy ótken Astana kóshesine jaqyn jerde ornalasqan.

Elordanyń mereıtoıyna oraı, Sofııanyń eń tanymal jerinde dombyra úni áýelep, is-shara qonaqtary sáýlet pen tabıǵı landshafttyń barlyq sulýlyǵyn men alýan túrliligin kórsetetin Astananyń jáne Qazaqstannyń fotosýretterin tamashalaı aldy.