Bólekpaev: Qaraǵandy oblysy eldiń jumysshy mamandyqtar daıyndaý ortalyǵyna aınalady

<p>ASTANA. KAZINFORM &mdash; Qaraǵandy oblysy eldiń jumysshy mamandyqtar daıyndaý ortalyǵyna aınalmaq. Bul týraly óńir basshysy Ermaǵanbet Bólekpaev málimdedi.</p>

«Ónerkásip, qurylys ındýstrııasy jáne energetıka salasynda 1000-nan astam kásiporyn bar, onda eki júz myńǵa jýyq jumysshy mamandyq ıeleri jumys isteıdi. Kolledj júıesi osyǵan beıimdeledi. Olardy daıyndyqtyń 8 basym baǵyty boıynsha klasterleý bastaldy. Sondyqtan Qaraǵandy oblysyn eldiń jumysshy mamandyqtar daıyndaý ortalyǵyna aınaldyrýdy josparlap otyrmyz», — dedi Ermaǵanbet Bólekpaev kásiptik-tehnıkalyq bilim berýdi damytý týraly aıta kele.

Óńirde «Dıplommen aýylǵa» baǵdarlamasy aıasynda bıyl aýyldyq eldi mekenderge kelgen 140 pedagog kóterme járdemaqy alǵan.

Sondaı-aq, jyl sońyna deıin bes jańa jaıly mektep paıdalanýǵa berilmek. Oblysta barlyǵy 10 mektep salý josparlanýda.

Aıta keteıik, Qaraǵandy oblysynda 1 myń shaqyrymnan astam jol jóndeldi.

Sondaı-aq, oblys ákimi Saranda jańadan salynǵan jylý qazandyǵy nege tolyq jumys istemeı turǵanyn túsindirgen edi.