BÓLEKEI HAN

Bólekeı Eráliuly (t.j.b.-1808) - sultan, Kishi júz hany. Ábilhaıyr hannyń nemeresi, Eráli hannyń balasy.

Syrdarııanyń tómengi aǵysy men Yrǵyz ózenderin mekendegen Shómekeı rýynyń 4 myńǵa jýyq otbasy jáne Jańadarııa ózeniniń jaǵalaýyndaǵy qaraqalpaqtar Bólekeı Eráliulynyń qol astynda bolǵan.

Ol 1770 jyly Qaıyp hannyń uly Jahanger (Jáńgir) Hıýa taǵynan taıdyrylǵannan soń, jergilikti yqpaldy toptyń qoldaýymen Bólekeı Eráliuly onyń ornyna taqqa otyrady. Biraq bir aıdan keıin ámir Muhammed Ámınniń tegeýirinimen Bólekeı han Hıýadan qýylyp, ákesi Erálige jiberilgen.

1780 jyly Buhar ámiriniń qoldaýymen Kishi júzdiń Shómekeı rýynyń jáne qaraqalpaqtardyń basym bóliginiń hany bolyp saılanǵan. Ol óziniń bıligi kezinde orys shekaralyq ókimetimen baılanys jasamaýǵa tyrysqan. Bólekeı hannyń tórt uly bolǵan. Olardyń ishinde Qasym men Saýqym muragerlik jolmen han saılanǵan.

Derek kózi:

Qazaqstan ulttyq entsıklopedııasy, 2 tom.