Bolatbek Qýandyqov QR Tutynýshylardyń quqyqtaryn qorǵaý agenttiginiń tóraǵasy bolyp taǵaıyndaldy

ASTANA. 22 qańtar. QazAqparat - Búgin QR Úkimetiniń qaýlysymen Bolatbek Qýandyqov QR Tutynýshylardyń quqyqtaryn qorǵaý agenttiginiń tóraǵasy bolyp taǵaıyndaldy, dep jazady primeminister.kz saıty.

QR Premer-Mınıstri Serik Ahmetov Agenttik ujymyna jańa basshyny tanystyrdy jáne vedomstvonyń basym mindetterin aıtyp ótti. "Jańa agenttiktiń aldynda tutynýshylardyń quqyqtaryn qorǵaý jáne tutastaı otandyq taýar óndirýshilerdi qorǵaý mindetteri tur. Basymdyqtarǵa - taǵam ónimderi qaýipsizdigin, sanıtarlyq-epıdemıologııalyq jaǵdaıdy baqylaýdy, ónimder men qyzmetterdiń tehreglamentterin saqtaýdy qadaǵalaýdy qamtamasyz etý bolyp tabylady. Qysqa merzimde tutynýshylardyń quqyqtaryn qorǵaý salasyndaǵy memlekettik saıasatty jetildirý jáne qalyptastyrý jóninde usynystar óńdeý qajet" , - dep tapsyrdy S. Ahmetov.