Bolat Jámishev shetelde emdelýge qarajat suraǵandardyń máselesi qalaı sheshiletinin aıtty

NUR-SULTAN. QazAqparat – Shetelden bilikti dárigerlerdi shaqyrtyp, naýqastarǵa kómek kórsetý máselesi pysyqtalyp jatyr. Bul týraly «Qazaqstan halqyna» qoǵamdyq qorynyń tóraǵasy Bolat Jámishev málim etti, dep habarlaıdy QazAqparat tilshisi.

«Medıtsına jaǵynan bizge eki myńnan astam ótinim kelip tústi. Solardyń arasynda bıonıkalyq protezder týraly ótinimder de bar. Elimizde osyndaı protezderdi shyǵaratyn 5-6 fırma bar ekeni belgili. Osy oraıda tıisti kómek berý máselesin pysyqtap jatyrmyz», - dedi B. Jámishev Ortalyq kommýnıkatsııalar qyzmetinde.

Sonymen qatar ol biraz adam shetelde emdelýge qarajat suraǵanyn aıtty.

«Elimizde 18 jyldan beri jumys istep júrgen «Juldyzaı» qory bar. Olar osy ýaqyt aralyǵynda 800 operatsııaǵa shetelden dáriger men hırýrg mamandardy shaqyrtqan. Biz shetelge artyq qarajat jumsamaı, dárigerlerdi osynda aldyrtyp, operatsııalardy uıymdastyrý máselesin qarastyryp jatyrmyz. Bizge kúrdeli jaǵdaıǵa tap bolǵandar ótinim jazatyny belgili. Sondyqtan bul adamdardyń problemalaryn barynsha tıimdi sheshý jan-jaqty pysyqtaýdy talap etedi», - dedi qor basshysy.