Bolat Tilepov Azııa-Tynyq muhıty forýmyna qatysýshylardy Naýryz merekesimen quttyqtady
Aıta keteıik, búgin Bangkok qalasynda (Taıland) VIII Azııa-Tynyq muhıty forýmy aıasynda «Volonterlik onjyldyqqa arnalǵan is-qımyldardy transformatsııalaý strategııasy retinde» taqyrybynda paneldik pikirtalas ótti .
Sharaǵa onlaın-formatta ZOOM alańyn qosý arqyly Qazaqstannyń Aqparat jáne qoǵamdyq damý vıtse-mınıstri Bolat Tilepov qatysty.
Óz sóziniń basynda Bolat Tilepov Azııa-Tynyq muhıty forýmyna qatysýshylardy merekemen quttyqtap, forýmnyń Qazaqstan men Ortalyq Azııa elderi úshin mańyzdy Naýryz meıramyn atap ótý kúnimen sáıkes kelip otyrǵanyn atap ótti.
«Ejelgi dáýirden bastaý alǵan bul mereke jańarý kezeńin bildiredi. Bul - dostyq, ózara syılastyq pen kelisimdi nyǵaıtýǵa úles qosatyn shyn mánindegi jalpyhalyqtyq mereke», - dedi Bolat Tilepov.
Vıtse-mınıstr qatysýshylardyń nazaryn pandemııa álemniń tehnologııalyq dáýirde ómir súrip jatqanyna qaramastan, adamzattyń qanshalyqty osal jáne ózara táýeldi ekenin kórsetti.
Jıynda Bolat Tilepov Qazaqstan BUU BA qararynyń mátinine volonterlikti 2030 jylǵa deıingi kezeńge arnalǵan turaqty damý salasyndaǵy kún tártibin iske asyrýdyń ámbebap quraly dep taný týraly tarmaqty engizýge bastama jasaǵanyn eske saldy.
Aıta keteıik, Azııa-Tynyq muhıt forýmy damý máseleleri jónindegi óńirlik dıalogqa járdemdesý maqsatynda BUU-nyń Azııa men Tynyq muhıt elderine arnalǵan ekonomıkalyq jáne áleýmettik komıssııasynyń (ATMEÁK) aıasynda ótkiziledi.