Bolat Nazarbaev «Altyn orda» bazarynyń ıesi emes

<p>Bul týraly Saýda jáne ıntegratsııalar mınıstri Arman Shaqqalıev tilshilermen ótkizgen brıfıngte aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Tamyz aıynda Almatydaǵy «Altyn orda» bazarynda birqatar zańbuzýshylyqtar anyqtalǵan edi.

Arman Shaqqalıev «Bolat Nazarbaev bazar ıesi retinde jaýapqa tartyla ma?» degen suraqqa jaýap berdi.

«Biz zerttegen qujattamaǵa sáıkes, ol (bazardyń – red.) ıesi emes, sondyqtan men onyń jeke tulǵasy jaıynda basqa eshteńe aıta almaımyn. Bazarǵa Bolat Nazarbaevtyń qatysy bar dep te zań júzinde aıta almaımyz. Bul bazar boıynsha menshik ıesi retinde tirkelgen JShS bar, olar osy jol kartasyna qol qoıyp, mindetteme alǵan. ıAǵnı, solardan jaýap suralady. Olar reestrde tirkelgen jáne resmı menshik ıesi sanalady. (...) Biz quqyqtyq alańda ómir súremiz. Eger ıesi retinde Bolat Nazarbaev rásimdelgen bolsa, úlesi bolsa, kelisimsharttarǵa qol qoısa – onda zań aldynda bári teń, munda ımmýnıtet joq. Sondyqtan biz bazardy zańdy túrde rásimdegen adamdarmen aınalysamyz. Bolat Nazarbaev eshqandaı tergeýden ótip jatqan joq», - deıdi mınıstr.

Buǵan deıin Arman Shaqqalıev kıik etin shetelge eksporttaý týraly tilshiler suraǵyna jaýap bergen edi.