Bolat Dembaev Bas prokýrordyń orynbasary laýazymynan bosatyldy

<p><span style="font-family: sans-serif; font-size: 18px;">&nbsp;Memleket basshysynyń ókimimen Bolat Beknazaruly Dembaev Qazaqstan Respýblıkasy Bas prokýrorynyń orynbasary laýazymynan bosatyldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqordaǵa silteme jasap.&nbsp;</span></p>

Bolat Beknazaruly 1965 dúnıege kelgen.

Bilimi joǵary, Sverdlov zań ınstıtýtynyń sot-prokýrorlyq fakýltetin, sondaı-aq Qazaqstan Respýblıkasy Prezıdentiniń janyndaǵy Ulttyq joǵary memlekettik basqarý mektebin memlekettik basqarý mamandyǵy boıynsha bitirgen.

3-synypty memlekettik ádilet keńesshisi synyptyq sheni bar (2018 j.).

ІІ-dárejeli «Aıbyn» ordenimen marapattalǵan (2016 j.).

Prokýratýra organdarynyń qurmetti qyzmetkeri.

Úılengen, eki balasy bar.

Eńbek jolyn 1990 jyly Qostanaı oblysynda aýdan prokýrory kómekshisiniń stajery bolyp bastaǵan.

1991-2000 jyldary – Qostanaı oblysy aýdan prokýrorynyń kómekshisi, aǵa kómekshisi, bólim prokýrory, osy oblys prokýratýrasynyń bólim bastyǵy, oblys ákimi apparaty bóliminiń meńgerýshisi, bólim prokýrory, Bas prokýratýra bóliminiń aǵa prokýrory, Bas Prokýrordyń aǵa kómekshisi, Bas prokýratýranyń bólim bastyǵy.

2000-2002 jyldary - Astana qalasy Almaty aýdanynyń prokýrory.

2002-2007 jyldary - Qostanaı oblysy prokýrorynyń orynbasary.

2007-2008 jyldary - Astana qalasy prokýrorynyń orynbasary.

2008 jyly - Bas prokýratýranyń Sottarda qylmystyq isterdi qaraý zańdylyǵyn qadaǵalaý departamentiniń bastyǵy.

2009-2012 jyldary - Qazaqstan Respýblıkasy Prezıdenti Іs Basqarmasynyń zań bólimi meńgerýshisiniń orynbasary, ádilet Mınıstrligi jeke sot oryndaýshylarynyń qyzmetin uıymdastyrý sot aktilerin oryndaý komıtetiniń basqarma bastyǵy.

2012-2017 jyldary - Bas prokýratýranyń Qylmystyq ister boıynsha sot aktileriniń zańdylyǵyn qadaǵalaý jáne memleket múddelerin qoldaý jónindegi departament bastyǵynyń orynbasary, bastyǵy.

2017 - 2019 jyldar aralyǵynda - Nur-Sultan qalasynyń prokýrory.

2019 jylǵy sáýirden bastap Qazaqstan Respýblıkasy Bas prokýrorynyń orynbasary boldy.