Bolat Baqaýov elordada birqatar memorandýmdarǵa qol qoıdy

NUR-SULTAN. QazAqparat - Elordada Pavlodar oblysynyń ákimdigi men Birikken Arab Ámirlikteriniń «CANARAX Dutch B.V» kompanııasy arasynda kommertsııalyq qujatqa qol qoıyldy, dep habarlaıdy QazAqparat pavlodarnews.kz silteme jasap.

Atalmysh uıym - metall saýdasyna mamandandyrylǵan aýyr ónerkásip fırmasy. Memorandým ózara tıimdi yntymaqtastyq, túsinistik jáne senim qaǵıdattaryna súıene otyryp jasaldy.

«Qujatqa óńir basshysy Bolat Baqaýov pen «CANARAX Dutch B.V» quryltaıshysy Nıtın Bhadnagar qol qoıdy, - dedi oblys ákiminiń baspasóz qyzmetinde. - Kompanııa Pavlodar oblysynyń aýmaǵynda tehnıkalyq kremnıı óndirý jónindegi jobany iske asyrý úshin ınvestıtsııalaý múmkindigin qarastyrý nıetin bildirdi».

Budan basqa, AQSh-tan kelgen «Valmont Industries, Inc» kompanııasynyń vıtse-prezıdenti Djoshýa Dıksonmen syrtqy saýda jónindegi memorandýmǵa qol qoıyldy. Joba aýyl sharýashylyǵy salasyndaǵy amerıkandyq tehnologııalardyń sońǵy jetistikterin, onyń ishinde ozyq ırrıgatsııalyq júıelerdi, ósimdik sharýashylyǵyn basqarý tehnologııalaryn, sondaı-aq monıtorıng pen baqylaýdy kórsetýge baǵyttalǵan.

Aıta keteıik, «Valmont Industries, Inc» - ınfraqurylym men aýyl sharýashylyǵy naryqtaryna arnalǵan ónimder men qyzmetterdiń jetekshi óndirýshisi jáne dıstrıbıýtory, ınjenerlik ónimder salasyndaǵy álemdik kóshbasshy.

Kompanııa ókilderi aǵymdaǵy jyldyń sáýir aıynda «Pahar» JShS-men kezdesip, óz tehnıkasy men jabdyqtaryn kórsetý úshin 500 ga jer telimin bólý týraly kelisken bolatyn.

Foto: Valerıı Býgaev