Bolat Baqaýov Aqsýda turatyn maıdangerlerdi Jeńis kúnimen quttyqtady

PAVLODAR. QazAqparat - Pavlodar oblysynyń ákimi Bolat Baqaýov Aqsý qalasy men oǵan qarasty aımaqtaǵy Qalqaman kentinde turatyn ardagerlerdiń úılerine kirip, merekemen quttyqtady, dep habarlaıdy pavlodarnews.kz.

Jeńis kúniniń qarsańynda aımaq basshysy óńirde turatyn kózi tiri ardagerlerdiń bárin merekemen quttyqtap shyǵýǵa bekindi. Aqsý qalasynda ol Qudaıbergen Qapsalıamov pen Kırıll Vınokýrovtyń úılerine kirip shyqty.



Ardagerdiń ekeýi de Bolat Baqaýovty Aqsý qalasynyń ákimi bolǵan kezden-aq tanıtynyn aıtyp, qýanyshtaryn jasyrmady. - Bizdi eskerip kelgenińe alǵysymdy aıtamyn, - dedi aımaq basshysyna Kırıll Vınokýrov. - Ardagerlerdi umytpaǵanyń kóńil jubatady.

Qalqaman kentinde ákim Vasılıı Moskovchenko men Ivan Kondrashovtyń otbasylarynda boldy. Jeke úıde zaıybymen birge turatyn Vasılıı Gavrılovıch aımaq basshysyna ótinish bildirdi.



- Áıelimiz ekeýimiz jas emespiz, - dedi maıdanger. - Ájethana aýlada ornalasqan, shyǵyp-turýymyz qıyndap ketti.



Oblys ákimi ardagerge kenttiń ishindegi jaqynda ǵana jóndeýden ótken tórt qabatty úıge kóshýdi usyndy. Eger, ardagerdiń otbasyna turmys jaǵdaıy qanaǵattandyrsa, olarǵa bul páter basybaıly buıyrady.

Qazirgi tańda Pavlodar oblysynda 72 maıdanger turady. Jeńis kúniniń qarsańynda olarǵa jarty mıllıon teńge kóleminde syılyq beriledi.