Bolat Aqsholaqov jylý elektr ortalyqtary máselelerin sheshý is-sharalaryn atady

ASTANA. QazAqparat – 2035 jylǵa qaraı generatsııalaıtyn qýattardyń tozý deńgeıi 15 paıyzǵa tómendetiledi. Bul týraly Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Mınıstrlik jumys istep turǵan jylý elektr ortalyqtarynyń máselelerin joıý boıynsha birqatar is-sharany pysyqtaýda. Birinshiden, ázirlenip jatqan «Investıtsııalar ornyna tarıf» baǵdarlamasy salaǵa jyl saıyn 400 mlrd teńgege deıin ınvestıtsııalar tartýǵa; 2035 jylǵa qaraı generatsııalaıtyn qýattardyń tozý deńgeıin 15 paıyzǵa tómendetýge; naryq qatysýshylarynyń qarsy mindettemelerimen qamtamasyz etýge múmkindik beredi», - dedi Erulan Jamaýbaev.

Onyń atap ótýinshe, ekinshiden, 2023 jyly «Jylý energetıkasy týraly» zań qabyldanady. Ol óńirlerdi jylýmen jabdyqtaý problemalaryn sheshýge nazar aýdarýǵa múmkindik beredi. Onyń aıasynda Atomdyq jáne energetıkalyq qadaǵalaý men baqylaý komıtetiniń róli kúsheıtiletin bolady. Zań elektr energııasyn ortalyqtandyrylǵan satyp alý jáne satýdy, sondaı-aq naqty ýaqyt rejıminde teńgerimdeýshi naryqty engizýdi kózdeıtin naryqtyń jańa maqsatty modeline kóshýdi kózdeıdi.

«Úshinshiden, 2023 jyldyń 1 toqsanynda eldiń barlyq Jylý elektr ortalyqtary jáne elektr jelileriniń aýdıti aıaqtalady, bul problemalardy jáne olardyń aǵymdaǵy tehnıkalyq jaı-kúıin anyqtaýǵa múmkindik beredi», - dedi mınıstr.