Bolat Aqsholaqov shetelde qalǵan munaı tankerleri týraly: Túrkııa bıligi basy artyq talap qoıdy

ASTANA. QazAqparat – QR Energetıka mınıstri Bolat Aqsholaqov Úkimet kýlýarynda Túrkııa jaǵalaýynda qańtarylǵan munaı tankerleri týraly pikir bildirdi, dep habarlaıdy QazAqparat tilshisi.

«Bul jaǵdaı túrik bıligi kemelerdiń saqtandyrý qujatynan basqa da qujattar talap ete bastaǵandyqtan týyndady. Ol talaptyń máni kemelerdegi munaı sanktsııaǵa ilingen bolsa jáne tógilgen bolsa, saqtandyrýǵa jatýy kerek degenge saıady. Bul basy artyq talap bolyp esepteledi. Óıtkeni saqtandyrý kompanııalary kemeler men ondaǵy júkti ıesi kim ekenine qaramastan saqtandyrady. Kimniń júgi degen másele – sertıfıkattardyń shyǵý tegine baılanysty másele. Qazaqstan bıligi muny únemi ashyq kórsetedi. Munyń bári júk tasymaldaý kelisimshartynda qamtylǵan. Onsyz júk tasymaldanbaıdy», - dep túsindirdi. Energetıka mınıstri.

Sondaı-aq, Bolat Aqsholaqov qazirgi tańda Túrkııa jaǵalaýynda qańtarylǵan 8 tankerdiń Qara teńizden ótkenin, qalǵandary da jýyqta jetetinin aıtty.

Foto: ortcom.kz

Tegter

{