Bolat Aqsholaqov «gaz odaǵyna» qatysty máselege túsinik berdi

ASTANA. QazAqparat – Energetıka mınıstri Bolat Aqsholaqov Jibek Joly telearnasyna bergen suhbatynda Qazaqstan, Reseı jáne Ózbekstan arasyndaǵy úsh jaqty gaz odaǵyn qurýǵa qatysty máselege túsinik berdi, dep habarlaıdy QazAqparat tilshisi.

«Bul jerde áńgime arnaıy gaz odaǵyn qurý týraly bolyp turǵan joq. Qazaqstan burynnan Reseı Federatsııasy baǵytynda gaz jetkizý boıynsha tranzıtor bolyp keldi. Búginde Ózbekstannyń qajettiligi úshin gaz tranzıti aınalymy múmkindigin talqylaýdamyz. Ózbekstan baǵyty bizdiń el úshin de mańyzdy», - dep túsindirdi Bolat Aqsholaqov.

Mınıstrdiń túsindirýinshe, memleketaralyq eki jaqty jáne úsh jaqty kelisim ózara tıimdi is-qımylǵa negizdelgen.

«Atalǵan kelissózder Qazaqstan, Reseı jáne Ózbekstannyń gaz tasymaldaý qýatyn birlesip qalaı paıdalanýǵa bolatynyn túsiný úshin tehnıkalyq túrde júrgizilip jatyr. ıAǵnı, gaz tartý jáne tasymaldaý úshin», - vedomstvo basshysy.

Eske salsaq, byltyr qarashada Qazaqstan men Reseı prezıdentteri Kremlde «úshtik gaz odaǵyn» qurý máselesin talqylaǵan bolatyn.

«Qazaqstan men Ózbekstan terrıtorııasy arqyly Reseı gazyn tasymaldaý jumysyn úılestirý maqsatynda quramyna Reseı, Qazaqstan, Ózbekstan kiretin «úshtik gaz odaǵyn» qurý máselesi qarastyrylǵanyn atap ótken jón», - dep jazǵan edi Memleket basshysynyń baspasóz hatshysy Rýslan Jeldibaı Prezıdenttiń Máskeýge sapary barysyna túsinik bere otyryp.