Bolat Aqsholaqov dızel otynynyń lımıtterin atady

NUR-SULTAN. QazAqparat – QR Energetıka mınıstri Bolat Aqsholaqov kúzgi egis jumystary kezinde dızel otynynyń baǵasy qalaı saralanatynyn aıtty, dep habarlaıdy QazAqparat tilshisi.

«Energetıka mınıstrligi tranzıttik kólik úshin jáne shekara perımetri boıynsha dızeldik otynǵa saralanǵan baǵa belgileıtin buıryq jobasyn ázirledi. Baǵalar turǵylyqty jerine, tutyný kólemine jáne kólik túrine qaraı saralanady. Buıryq jobasy boıynsha bizdiń azamattarymyz úshin júrgizýshi kýáligi bolǵan jaǵdaıda lımıt – 100 lıtr dızel otyny úshin qazirgi baǵamen 230-260 teńge. Sondaı-aq, júk kóligi úshin eger júrgizýshi kýáligi jáne kóliktiń Qazaqstan aýmaǵynda tirkelgenin rastaıtyn tirkeý kýáligi men qujattar bar bolsa, qazirgi lımıt – 300 lıtr bolady», - dedi mınıstr Úkimet otyrysynda.

Sondaı-aq, ol qalǵan adamdarǵa dızel baǵasy qymbat bolatynyn jetkizdi.

«Qalǵan adamdar tobyna jáne kórsetilgen kólemderden artyq dızel úshin 1 lıtr otyn baǵasy 450 teńgeden satylady. Buıryq jobasy 18 tamyzǵa deıin «Ashyq NQA» saıtyna onlaın talqylaý úshin ornalastyryldy», - dedi vedomstvo basshysy.

Premer-Mınıstr Álıhan Smaıylov atalǵan buıryq jobasyn tezirek pysyqtap, 20 qyrkúıekten bastap qoldanysqa engizýdi tapsyrdy.

Foto:primeminister.kz