Bolat Aqsholaqov: AES salý neǵurlym perspektıvalyq sheshim
«Atom energetıkasynyń tarıhy jarty ǵasyrdan astam mezgildi qamtıdy jáne osy kezeń ishinde energetıkanyń dástúrli salasyna aınalyp keldi. Búginde, 31 el atom elektr stantsııalaryn paıdalanady. 2022 jylǵy aqpandaǵy jaǵdaı boıynsha álemde jalpy qýaty shamamen 390 Gvt kóleminde 439 energetıkalyq reaktor jumys isteıdi. Álemniń 19 eli 52 reaktor salý satysynda. Atom energetıkasy álemdegi elektr energııasynyń jalpy generatsııasynyń 10 paıyzyn quraıdy», - dedi ol.
Mınıstrdiń atap ótýinshe, Qazaqstanda atom energetıkasyn damytý úshin jetkilikti áleýet bar jáne elimiz óndiriletin tabıǵı ýran kólemi boıynsha álemde birinshi orynda tur.
«Elimizde ıadrolyq otyn komponentteriniń óndirisi bar. Sondaı-aq ýrandy ızotopty baıytý qyzmetteri jetkilikti. Ótken jyly Úlbi metallýrgııa zaýytynda Qytaıdyń atom elektr stantsııalary úshin ıadrolyq otyn shyǵaratyn zaýyt iske qosyldy. ıAdrolyq otynnyń belsendi óndirisi bastaldy. Óndiristik qýattardyń tozýymen baılanysty elektr energııasynyń aldaǵy tapshylyǵyn, álemdik ekologııalyq kún tártibine oraı kómir generatsııasynan táýeldiligin tómendetý qajettiligin, sondaı-aq Qazaqstannyń atom energetıkasyn damýdyń aýqymdy áleýetin eskere otyryp, elimizde AES-ty salýdy neǵurlym perspektıvalyq sheshim bolyp tabylady dep paıymdaımyz», - dedi Bolat Aqsholaqov.