Bolashaqtyqtar aǵymdaǵy jyldy qorytyndylap, 2015 jylǵy josparlaryn saralady – Konferentsııa

ASTANA. QazAqparat - Aǵymdaǵy jyldyń 28-29 qarashasynda «Bolashaq» qaýymdastyǵy Astanada Qaýymdastyq Keńesiniń Tóraǵasy Baýyrjan Baıbektiń qatysýymen «Bolashaq: iske asyrý áleýeti» atty konferentsııa ótkizdi.

Konferentsııa barysynda atalǵan uıymnyń aǵymdaǵy jyldaǵy qyzmetiniń qorytyndysy, 2015 jylǵy jospary talqylandy, Qaýymdastyqtyń revızııalyq komıssııasynyń jańa quramy saılandy, Keńestiń sheshimimen jańa músheleri qabyldandy.

Konferentsııa qatysýshylaryna arnap «Bolashaq» qaýymdastyǵynyń Tóraǵasy Baýyrjan Baıbek sóz sóıledi.

2014 jyly iske asyrylǵan jobalar týraly birlestiktiń atqarýshy dırektory Ermek Maqashev áńgimelep berdi.

Konferentsııa barysynda bolashaqtyqtardyń Elbasynyń «Nurly Jol» jańa ekonomıkalyq baǵytyn qoldaý týraly úndeýi qabyldandy. Qaýymdastyq músheleri barlyq qazaqstandyqtarmen birge Elbasy bastamalaryn iske asyrýǵa úlesterin qosatyndyqtaryn málimdedi.

Konferentsııaǵa 300 -den astam bolashaqtyqtar qatysty. Olar Qaýymdastyqtyń jumys sharalarynyń josparyna óz usynystaryn engizdi, ıdeıa almasty, óz jumystary, keleshektegi josparlary týraly áńgimelep berdi.

«Men úshin «Bolashaq» baǵdarlamasy úlken ómirlik tájirıbege aınaldy. Prezıdent Nursultan Nazarbaev ashqan baǵdarlamanyń arqasynda óz qyzmetimniń salasynda mol bilim aldym. Búgin Qazaqstanǵa oralǵan mende óz jumysymda iske asyrǵym keletin ıdeıalar paıda boldy», - degen oıymen bólisti baǵdarlamanyń túlegi Merýert Qumarova.

Respýblıkalyq konferentsııa sheńberinde baǵdarlama túlekterine arnalǵan kózdegen maqsaty jas mamandardy tanystyrý men ózara qarym-qatynas ornatý, shetelde alǵan bilimi men tájirıbesimen almasý bolyp tabylatyn netvorkıng ıvent ótkizildi. Konferentsııanyń ótýine QR Bilim jáne ǵylym mınıstrligi qoldaý kórsetti, dep habarlady «Bolashaq» qaýymdastyǵynan.