Bolashaqtyń oıyndary: Prezıdent kelesi jarysty Qazaqstanda ótkizýdi usyndy

<p>QAZAN. KAZINFORM&nbsp;&mdash; Saltanatty ashylý rásiminen keıin Tatarstan astanasyna kelgen Memleket basshysy Qasym-Jomart Toqaev pen basqa elderdiń prezıdentteri &laquo;Bolashaqtyń oıyndary&raquo; halyqaralyq mýltısport týrnıriniń negizgi sharalary ótetin &laquo;Qazan Ekspo&raquo; keshenin aralap kórdi.&nbsp;</p>

Ekskýrsııa barysynda qonaqtarǵa Dota 2 kongress-zaly, art-nysandar, «fıdjıtal-zerthana» kórsetildi, sondaı-aq dene shynyqtyrý men kıbersportty (physical+digital) biriktiretin ınnovatsııalyq «fıdjıtal-qozǵalystyń» erekshelikteri tanystyryldy.

Foto: Aqorda

Alańdardyń birinde Qazaqstan Prezıdenti «Fýtbol dostyqqa jol ashady» baǵdarlamasyna qatysatyn jas sportshylarmen áńgimelesti. 

Halyqaralyq komandanyń quramynda «Astana» fýtbol klýbynda jattyǵatyn 10 jasar Jan Álı Ermaǵambetov te bar.

Qasym-Jomart Toqaev Qazaqstanda balalar sportyna memleket tarapynan turaqty qoldaý kórsetiletinin atap ótti.

Foto: Aqorda

Munyń aldynda Qazaqstan Prezıdenti týrnır qatysýshylaryna sáttilik tilegen edi. 

– Bul – biregeı oıyn. Dúnıejúzinde mundaı oıynnyń balamasy joq. Barshańyzǵa sáttilik tileımin. Kelesi oıyndy Qazaqstanda ótkizeıik, – dedi Qasym-Jomart Toqaev. 

Foto: Aqorda