«Bolashaqtyń oıyndary»: Qazaqstandyqtar birneshe júlde ıelendi
Atalǵan alǵashqy halyqaralyq mýltısporttyq týrnır 21 aqpan men 3 naýryz aralyǵynda ótti. «Bolashaqtyń oıyndary» týrnıri – tsıfrlyq jáne klassıkalyq 21 sport túrin biriktiretin ınnovatsııalyq fıdjıtal. Jarysqa 12-62 jas aralyǵyndaǵy 2 myńnan astam adam qatysyp, 294 komanda quryldy. Týrnırdiń júlde qory $10 mln qurady.
Jarystarǵa geımdev, kıbersport, robototehnıka (dron jarysy jáne robot shaıqastary), keńeıtilgen jáne vırtýaldy shyndyq, aqparattyq tehnologııalar jáne jasandy ıntellekt boıynsha ázirlemeler kirdi. Jalpy 21 tártip bar, onyń ishinde 16 negizgi jáne 5 keńeıtilgen baǵdarlama. Atalǵan oıyndarǵa 13 tártip boıynsha 48 qazaqstandyq qatysty. Barlyǵy 236 sportshy alǵashqy «Bolashaqtyń oıyndary» týrnıriniń jeńimpazdary men júldegerleri atandy. Olar Reseı, Qytaı, Úndistan, Belarýs, Ońtústik Koreıa, Ispanııa, Ýrýgvaı, Fılıppın, Argentına, Ekvador, Kolýmbııa eliniń sportshylary. Sondaı-aq, qazaqstandyqtar oıynda joǵary deńgeıdegi nátıje kórsetip, birneshe medal utyp aldy.
Osylaısha, xGOD komandasynyń quramynda bes qazaqstandyq óner kórsetip, keremet daǵdylaryn kórsetti. Olar Counter-Strike 2 oıyny men lazertag boıynsha «Bolashaqtyń oıyndary-2024» chempıonatynda jeńiske jetti. Fınaldyq oıynda xGOD ujymy reseılik LookingForOrg quramymen kezdesip, 2:0 esebimen utty. Match Inferno kartasynda 13:9 jáne Overpass kartasynda 13:11 jıyntyq upaımen aıaqtaldy. Bul jetistik xGOD oıynshylarynyń joǵary daıyndyǵy men kásibıligin rastaıdy. Qazaqstandyqtar $175 myń júlde utyp aldy.
Sonymen qatar, qazaqstandyqtar Dota2 boıynsha ár túrli halyqaralyq komandalar quramynda týrnırdiń 1/16-dan 1/4 fınalyna ótti. Qazaqstannan kelgen fıdjıtal-hokkeıshiler (Cyber Barys) 1/8 fınalǵa deıin ótti, Young komandasynyń jattyqtyrýshysy Álim Rahmetov óz komandasyn birinshi orynǵa shyǵaryp, ujym 87,5 myń dollar utyp aldy. «Tankter álemi» tártibi boıynsha Rise komandasynyń oıynshysy Stanıslav Shtyrenko fınaldyń 1/4 kezeńine ótip, 30 myń dollar aldy. Ádil Eldosov, Absolute komandasynyń múshesi Standoff jarysynyń jeńimpazy atandy, onyń komandasy 87,5 myń dollardy quraıtyn júldege ıe boldy.
Qazaqstanda kıbersport ınfraqurylymy 2018 jyldan bastap qarqyndy damyp keledi, keıin resmı sport túri bolyp tanyldy. Ótken jyly jazda Qazaqstan Respýblıkasynyń kıbersport federatsııasy quryldy. Sodan beri elde júzdegen týrnır, sonyń ishinde birqatar halyqaralyq jarys ótti.
Aıta keteıik, 2024 jylǵy 22 aqpanda Qazaqstan Respýblıkasynyń Prezıdenti Qasym-Jomart Toqaev Qazaqstanda «Bolashaqtyń oıyndary» halyqaralyq mýltısporttyq týrnırin ótkizýdi usynǵan edi.