«Bolashaqtyń» neshe túlegi boryshyn ótemeı júr
«2010-2013 jyldary „Bolashaq“ baǵdarlamasyn ózim basqardym. Baǵdarlamanyń sharyqtap turǵan kezinde jyl saıyn 2 myńǵa deıin stependıant alynsa, qazir jyl saıyn 500-deı adam qabyldanady. Odan bólek „500 ǵylymı taǵlymdama“ deıtin jeke baǵdarlama bar. Ol jerde de jyl saıyn 400-den 500-ge deıin stependıant qabyldanady. Sonda qazir jyl saıyn 1000-ǵa deıin adam shetelge oqýǵa ketedi. ıAǵnı, baǵdarlama kólemi eki ese qysqardy.
Bıýdjetine kelsek, sharyqtap turǵan kezinde jyl saıyn shamamen 20 mlrd teńgedeı bolǵan. Qazir 20 mlrd teńgeden sál az» — dedi Senat otyrysynan keıin jýrnalıst suraǵyna bergen jaýabynda.
Onyń aıtýynsha, memleket aldyndaǵy boryshyn ótemegen túlekterdiń úlesi 2 paıyzǵa da jetpeıdi.
«Baǵdarlama shartyn oryndamaǵan nemese buzǵan, sonyń ishinde shetelge ketip qalǵan túlekterdiń sany 200-den asady. Paıyzǵa shaqsaq, kópshilik oılap júrgendeı úlken emes, 2 paıyzyna da jetpeıdi. 13,5 myń adam osy baǵdarlama boıynsha oqyp shyqqan», — dedi Saıasat Nurbek.