Bolashaqta jylyna 5 mıllıon týrıst qabyldaýdy josparlap otyrmyz – Túrkistan ákiminiń orynbasary
Taraptar óńirdegi ınvestıtsııalyq ahýaldy jaqsartý men túrik jáne qazaqstandyq kásipkerler arasyndaǵy iskerlik baılanystar men yntymaqtastyqty yntalandyrý máselelerin sóz etti, dep habarlaıdy QazAqparat tilshisi.
Basqosýda sondaı-aq eki el arasyndaǵy áleýmettik-mádenı baılanystardy nyǵaıtý máseleleri talqylandy.
«Barlyq jumystar Túrkistan qalasyn damytýdyń 2050 jylǵa deıingi keshendi Bas josparyna sáıkes júrgizilýde. Qala tarıhı jáne týrıstik ortalyqqa aınalady. Bolashaqta jylyna 5 mıllıon adamdy qabyldaýdy josparlap otyrmyz. Túrkistan oblysynda Túrkııamen birlesken ınvestıtsııalyq jobalar júzege asyryldy jáne bolashaqta agroónerkásip keshenin jáne óńdeý salasynda olardyń sanyn arttyrý qolǵa alynady», - dedi Rashıd Aıýpov.
Kezdesý barysynda oblys ákiminiń orynbasary qonaqty Túrkistan oblysynyń ınvestıtsııalyq múmkindikterimen tanystyryp, Túrkııa kásipkerlerin birlesip jumys isteýge shaqyrdy.