Bolashaqta Qazaqstan mıgratsııa boıynsha tartymdy bola túsetinin eskersek, ulttyq zańnamany qataıtý túsý qajet

ASTANA. 27 qarasha. QazAqparat /Qanat Mámetqazyuly/ - Bolashaqta Qazaqstan mıgratsııa boıynsha tartymdy bola túsýin eskersek, ulttyq zańnamany qataıtý túsý qajet. Búgin elordada EQYU aıasyndaǵy Sholý konferentsııasy barysynda «Asyl mura» qoǵamdyq birlestiginiń ókili osylaı málim etti.

Qoǵamdyq birlestik ókiliniń aıtýynsha, qazirgi Qazaqstandaǵy mıgratsııalyq úderis tarıhı sıpat alyp otyr. «Memleket retinde qazaq halqy úlken mıgratsııalyq nópirge qatysty aýyrtpashylyqtardy bastan ótkerdi. Máselen, 19 ǵasyr basynda elimizde halyq sanyn negizinen 100 paıyzǵa deıin jergilikti ult ókilderi qurasa, 1959 jylǵy sanaq boıynsha qazaqtar ulttyq azshylyqqa túsip, bar-joǵy 29 paıyzdy ǵana quraǵan. Búgingi kúni qazaqtardyń sany jaǵymdy sıpatqa enip, olardyń elimizdegi kórsetkishi 63 paıyzdan asty», dedi birlestik ókili. Sonymen qatar, elimizde mıgranttarǵa qatysty barlyq quqyqtyq alań qalyptasqanyn aıtqan ol, osy baǵytta negizgi qujattardyń, onyń ishinde halyqaralyq kelisimsharttardyń basym bóligi qabyldanǵanyn atap ótti. «Qazaqstan budan keıin de mıgratsııa máselesinde tartymdy memleketterdiń biri bolyp qala beretini boljanady. Sondyqtan, bizdiń oıymyzsha, ulttyq zańnamamyzdy qataıtyp, keıbir normalardyń lıberaldanýy kerek», - dedi ókil.