Bolashaqta HQO-lar jabylýy múmkin be

<p>Aldaǵy ýaqytta elimizdegi halyqqa qyzmet kórsetý ortalyqtaryn qysqartý qarastyrylyp jatqan joq. Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov aıtty, dep habarlaıdy<a href="https://kaz.inform.kz/" target="_blank" rel="noopener"> QazAqparat</a> tilshisi.</p>

Búgin Májilistiń jalpy otyrysynda depýtat Marhabat Jaıymbetov halyqqa qyzmet kórsetý ortalyqtarynyń bolashaǵy týraly surady.

«Elimizde bul ortalyqtardyń bolashaǵy bar ma? Kez kelgen qyzmet túrin smartfondar arqyly alyp jatyrmyz. Sondyqtan HQO-lar qyzmeti qajet bola ma?», - dep surady depýtat.

Óz kezeginde Tsıfrlyq damý vıtse-mınıstr Áset Turysov memlekettik qyzmetterdiń 20 paıyzy halyqqa qyzmet kórsetý ortalyqtary arqyly iske asyrylyp jatqanyn aıtty.

«Turǵyndardyń kompıýterdi nemese basqa da qurylǵylardy meńgerý deńgeıi ártúrli. Sondyqtan aldaǵy ýaqytta da adamdar halyqqa qyzmet kórsetý ortalyqtarynyń kómegine júginetini anyq. Atap aıtqanda, HQO-lardy damytyp, sondaı-aq «Qazposhta» júıesi arqyly memlekettik qyzmet kóresetý deńgeıin keńeıte alamyz. Onlaın rejımde eGov mobile, eGov arqyly qyzmet kórsetýdi jetildiremiz», - dedi vıtse-mınıstr.

Sonymen qatar, tilshiler suraǵyna jaýap berý kezinde «Azamattarǵa arnalǵan úkimet» memlekettik korporatsııasy» kommertsııalyq emes AQ Basqarma tóraǵasy Súıenish Ábdildın HQKO qyzmetkerlerin qysqartý qarastyrylmaǵanyn aıtty.

«Bıyl shildeden bastap qyzmetkerlerdiń jalaqysyn 50 paıyzǵa ósirdik. Jalpy, mamandardy qysqartý máselesi kóterilgen joq», - dedi ol.