Bolashaqta hırýrg jáne jazýshy mamandaryn robot almastyrady
15:51, 01 Maýsym 2017
ASTANA.QazAqparat - Oksford ýnıversıteti Bolashaq adamzat ınstıtýty (Ulybrıtanııa) men Iel ýnıversıtetindegi saıası ǵylymdar bólimi (AQSh) ǵalymdary jasandy ıntellekt múmkindikteri adamzat sanasynyń aldyn oraýy yqtmal ekendigin aıtty. Bul jaıly Lenta.rý. habarlaıdy.
Mamandar jasandy ıntellekt 2024 jyldary tilderdi aýdarý qabiletin ıgeredi, al 2026 jylǵa qaraı orta mektep bitiretin esse jazyp, 2027 jylǵa qaraı júk mashınasy júrgizýshilerin tolyqtaı almastyryp adamnyń tabıǵı múmkindikterinen asyp túsedi dep boljaıdy. 2031 jyly bólshektep satý dúkenderiniń satýshysy mamandyǵy, 2049 jylǵa qaraı belletrıstıkaǵa mamandanǵan jazýshylar túbegeıli joǵalady. 2053 jyly hırýrg mamandyǵy qajet bolmaıdy. Olardyń ornyn robot basady.
Sondaı-aq, avtorlar 45 jyldan keıin adamdy 50 paıyz jasandy ıntellekt almastyrýy múmkin, al 120 jyldan keıin barlyq jumys oryndarynda tek kompıýterlik robottar jumys isteıdi dep tujyrymdaıdy.