Bolashaqta álemdik eńbek naryǵynda qandaı til suranysta bolady – mınıstr boljamy
«Qazir álem halqynyń sany 8 mlrd-tan asty. Bıyl Úndistan resmı túrde halqy eń tyǵyz ornalasqan el atandy. Al taıaý jyldary turǵyndary mıllıardtan asady dep boljanǵan úsh memleket bar. Olar – Indonezııa, Nıgerııa jáne Afrıka. Taıaý keleshekte eńbek naryǵynyń basym bóligin Afrıka halqy quraıdy. Al 2050 jylǵa qaraı álem boıynsha 35 jasqa tolmaǵan jumys kúshiniń jartysy Afrıka úlesinde bolmaq. Osyǵan baılanysty aldaǵy ýaqytta frantsýz jáne arab tilderi tanymal bolady. Osyny eskerip, nıet bolsa balalaryńyzǵa qosymsha frantsýz tilin oqytsańyzdar bolady», - dep zertteýlerge negizdelgen boljammen bólisti QR Ǵylym jáne joǵary bilim mınıstri Saıasat Nurbek.
Sarapshylarmen kezdesý barysynda mınıstr tsıfrlandyrý protsesiniń eńbek naryǵyna tıgizetin teris áserin baıandady.
Budan bólek, ol eki jyl onlaın oqýdyń zardaby ondaǵan jyldarǵa sozylatynyn málimdedi.