«Bolashaqpen» bilim alýǵa bolatyn Frantsııa joǵary oqý oryndarynyń tizimi artady – Saıasat Nurbek
Qazaqstan jastarynyń frantsýz eliniń joǵary oqý oryndarynda bilim alýyna múmkindik beretin qujatty Ǵylym jáne joǵary bilim mınıstri Saıasat Nurbek, «Halyqaralyq baǵdarlamalar ortalyǵy» AQ basqarma tóraǵasy Oljas Sákenov, Frantsııanyń Qazaqstandaǵy Elshisi Dıde Kaness rásimdedi.
«Qazaqstan úshin bul naryqty joǵaltpaýymyz kerek. Sondyqtan Frantsııada Bolashaqpen bilim alýǵa bolatyn joǵary oqý oryndarynyń tizimin keńeıtip jatyrmyz. Qazirgi tańda 6 joǵary oqý orny bolsa, endi tizimdi 12-15-ke deıin ulǵaıtýymyz qajet. Prezıdentimizdiń Frantsııaǵa resmı saparynda úlken kelisimsharttar rásimdeldi. Bizde Frantsııanyń Joǵary bilim mınıstrligimen kelisimge qol qoıdyq. Onda «Bolashaq» baǵdarlamasymen bilim alý jáne ǵylymı-tehnıkalyq taǵlymdamalardy kúsheıtý kózdelgen. Frantsııa tehnologııalyq turǵydan eń damyǵan elderdiń qataryna kiredi. Bıotehnologııa, bıomedıtsına, ǵarysh, áýe kóligi salasyndaǵy myqty zerthanalary bar. ıAǵnı, Eýropanyń eń myqty tehnologııalyq memleketteriniń qataryna kiredi. Sondyqtan franýz zerthanalarymen jáne joǵary oqý oryndarymen tyǵyz baılanysty damytqymyz keledi. Bıyl qarashada úlken delegatsııa keledi jáne qazaq-frantsýz birinshi joǵary bilim konferentsııasyn ótkizemiz», - dedi memorandýmǵa qol qoıý rásiminen keıin BAQ ókilderine suhbat bergen Ǵylym jáne joǵary bilim mınıstri Saıasat Nurbek.
Al Frantsııa Elshisi Dıde Kaness aǵylshyn tilimen básekeles bola almasa da frantsýz tiliniń bolashaǵy zor ekendigin aıtady.
«Frantsııa óziniń joǵary oqý oryndarynyń joǵary deńgeıimen tanymal ári maqtan tutady. Frantsııanyń taǵy bir basymdylyǵy – bilim alýdyń qoljetimdiligi. Bizde frantsýz stýdentteri úshin, sonymen qatar Eýropalyq odaq elderi jastary úshin memlekettik joǵary oqý oryndarynda tegin bilim berý ustanymy bar. Qalǵandary oqýdyń úshten bir bóligin tóleıdi. Máselen, bir jyldyq oqýǵa 3 myń eýro jumsalady. Osy oraıda frantsýz tili bolashaq tili ekendigin aıryqsha aıtqym keledi. Biraq, ol aǵylshyn tiline básekeles bola almaıdy», - dedi Elshi.