Bolashaq ushqyshtar parashıýtpen sekirý tehnıkasyn meńgerdi

<p><strong>ASTANA. KAZINFORM - Aıazǵa qaramastan 4 kýrs kýrsanttary men Áýe qorǵanysy kúshteri áskerı ınstıtýtynyń parashıýtpen sekirý komandasy bıylǵy jylǵy alǵashqy sekirýlerin oryndady.</strong></p>

Parashıýtpen sekirý – ushqyshtar daıyndaıtyn oqý ornynyń kýrsanttaryn daıarlaýdyń ajyramas bóligi. Іs-sharalar ınstıtýttyń oqý avıatsııalyq ortalyǵynyń parashıýttik-desanttyq jáne izdestirý-qutqarý qyzmeti mamandarynyń basshylyǵymen ótedi. 

– Naqty jaǵdaıda ushqysh áýe kemesin tastap, sekirýi qajet. Sondyqtan kýrsant-ushqyshtar sekirý erejesi men qutqarý parashıýtimen qoný tártibin meńgerýi tıis. Áskerı taǵylymdamadan ótý úshin avıatsııalyq bazalarǵa jiberilgenge deıin olar mindetti túrde osyndaı tájirıbeden ótýi tıis, - dedi oqý avıatsııalyq ortalyǵynyń parashıýttik-desanttyq jáne izdestirý-qutqarý qyzmetiniń bastyǵy maıor Aleksandr Demchenko.

Praktıkalyq sabaqtardyń aldynda mindetti túrde jerde daıyndyq ótedi. Kýrsanttar men parashıýtshiler oryn alýy múmkin kútpegen jaǵdaılardy pysyqtap, teorııada sekirý tehnıkasyn qarastyrdy.

Foto: Qorǵanys mınıstrligi

Kýrsanttar 800 metr bıiktikten, D-1-5ý parashıýtterimen sekirýdi oryndady. Tájirıbeli parashıýtshiler arnaıy maqsattaǵy parashıýt júıelerin paıdalanyp, qoný dáldigin anyqtap, 1500 metr bıiktikten sekirdi.