Bolashaq UQK qyzmetkerleri Elbasy maqalasyn talqylady

ALMATY. QazAqparat - Almatydaǵy Ulttyq qaýipsizdik komıteti akademııasynda Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń bir jyl tolýyna baılanysty birqatar is-sharalar ótti, dep habarlaıdy QazAqparat tilshisi.

Іs-shara barysynda UQK Akademııasy tyńdaýshylary men kýrsanttaryna Elbasynyń ıdeıasy men jalpyulttyq ıdeologııalyq baǵytyn túsindirý maqsatynda semınarlar, dóńgelek ústelder, kórmeler, ǵylymı-praktıkalyq konferentsııalar uıymdastyryldy.

Naqtylap ótsek, UQK Akademııasynyń kýrsanttary arasynda «Qazaqstandyq jańǵyrý: ótkeni men keleshegi» taqyrybyndaǵy jobalar baıqaýy ótti. Sonymen qatar, «Týǵan jer», «Qazaqstannyń kıeli jerleriniń geografııasy» atty ǵylymı-praktıkalyq konferentsııa jáne «Jańǵyrý joly» taqyrybynda semınar-dıspýt uıymdastyryldy.

«Qazirgi qoǵamnyń jastary kereginen artyq aqparat aǵymyn saralap, ózine qajet málimetti ǵana alýǵa, únemi jańa bilimdi ıgerýge ózinde ynta tabýǵa beıim bolýlary kerek. Elbasymyz aıtqandaı, jastardyń kóp til bilýi olardyń jan-jaqty damýyna, túrli ulttardyń dástúri men mádenıetin tanyp, ámbebap azamat bolyp ósýine negiz bolady. Prezıdentimiz Nursultan Nazarbaevtyń strategııalyq maqalasy jastarǵa osy múddeni jetkizedi», - deıdi akademık Sátbekova Aıgúl Amantaıqyzy.

Akademıktiń aıtýynsha, UQK Akademııasy kýrsanttarynyń tártipke úırenip, el qaýipsizdigin qamtamasyz etetin azamattar qataryn tolyqtyryp qana qoımaı, rýhanı qýatynyń da ósýi, jańǵyrýy mańyzdy. 

Avtor: Joldas Órisbaev

Foto: shekaraknb.kz