«Bolashaq» túlekterin jumyspen qamtý týraly arnaıy baǵdarlama ázirleýge bolady - «Samuryq-Qazyna» qory

A. Qarashanyń 25-i. QazAqparat /Arman Asqarov/ - Elimizdegi iri kompanııalardyń mamandarǵa degen suranysyn eskere otyryp, «Bolashaq» túlekterin jumyspen qamtý týraly arnaıy baǵdarlama ázirleýge bolady. Búgin Astanada bastalǵan «Bolashaq túlegi - 2009: áleýetti ıgerý»  forýmy barysynda «Samuryq-Qazyna» ulttyq ál-aýqat qorynyń ujymdy basqarý jónindegi dırektory Jomart Abıesov osyndaı usynys jasady,

  dep habarlaıdy QazAqparat.

 «Osy baǵdarlama aıasynda biz qajetti mamandarǵa tapsyrys berer edik. Máselen, búgingi tańda tehnıkalyq, aqparattyq tehnologııalyq, menedjer, jobalyq qarjylandyrý baǵyttary boıynsha jas mamandarǵa degen suranys bar», dedi J. Abıesov.

 Sondaı-aq «Samuryq-Qazyna» qorynyń basqarýshy dırektory elimizdegi maman aýystyrý kartasyn jáne jas mamandarǵa degen suranysty kórsetetin arnaıy veb-portaldy ázirleýdi usynyp otyr.