Bolashaq túlekteri saıası reformalardy talqylady

ASTANA. QazAqparat - Búgin Shymkentte Elbasy Nursultan Nazarbaevtyń 25 qańtardaǵy halyqqa arnaıy úndeýinde aıtqan bılik tarmaqtary arasyndaǵy ókilettikti qaıta bólý máselesine arnalǵan dóńgelek ústel otyrysy ótti.

Oǵan «Bolashaq» baǵdarlamasynyń túlekteri, jastar uıymdarynyń kóshbasshylary, azamattyq qoǵam ókilderi jáne stýdentter qatysty.

«Qazir elimizde demokratııalandyrý men jańǵyrtýdyń kelesi kezeńi bastalǵan kezde, Qazaqstan Respýblıkasynyń Prezıdenti usynǵan reforma memlekettiń ishki jáne syrtqy saıasaty úshin erekshe mańyzǵa ıe» - dedi «Bolashaq» qaýymdastyǵynyń múshesi, Chaplin's group negizin qalaýshy, jas kásipker Moljigit Jalǵas.

Eske sala ketsek, 2017 jyldyń 25 qańtarynda Qazaqstan Respýblıkasynyń Prezıdenti Nursultan Nazarbaev Qazaqstan halqyna arnaıy úndeý joldaǵan bolatyn. Onda Memleket basshysy Prezıdent, Parlament jáne Úkimet arasyndaǵy ókilettikti qaıta bólýge qatysty Konstıtýtsııaǵa ózgerister engizýdi usynyp, bul saıası júıeni demokratııalandyrý jáne memlekettik jobalardy iske asyrý úshin óte mańyzdy qadam ekeniń atap ótti.