«Bolashaq» túlekteri Elbasy belgilegen baǵytty júzege asyrýda barsha kúsh-jigerin salady
«Ótken jyly Elbasy «5 ınstıtýttyq reformany júzege asyrý boıynsha 100 naqty qadam» - Ult jospary strategııalyq mańyzdy qujatty qabyldady. Memleket aldynda aýqymdy maqsat tur, ıaǵnı bul turǵyda álemniń damyǵan elderiniń otyzdyǵyna ený sekildi júzege asyrylatyn maqsat-mindet belgilendi. Táýelsizdigimizdiń birinshi kúnderinen bastap, Elbasymyz Qazaqstan halqynyń amandyǵy men ál-aýqaty, sondaı-aq ekonomıkany kóterý sekildi basty maqsatty nazarda ustady. Árıne, osy maqsatty sheshý úshin vedomstvolar men mekemelerge bilikti qyzmetkerler jáne sapaly kadrlyq rezervti qalyptastyrý qajet boldy.
Bul máseleni Memleket basshysy 1993 jyly bastaý alǵan «Bolashaq» prezıdenttik stıpendııasy arqyly sheshken bolatyn. Onyń maqsaty elimiz ekonomıkasynyń basymdyqty sektorlary úshin kadrlar men mamandardy daıalaý ekeni barshamyzǵa aıan»,-dedi ol «QazAqparat» tilshisine bergen suhbatynda.
Osy oraıda Azamat Bojaqov Prezıdent N. Nazarbaevtyń sarabdal saıasatynyń arqasynda búginde «Bolashaq» baǵdarlamasynyń túlekteri ǵylym men medıtsına salalarynda, sondaı-aq kásipkerlikte, memlekettik qyzmette, jeke jáne ulttyq kompanııalarda eńbek etip jatqandyǵyn atap ótti.
«2015 jyly «Bolashaq» qaýymdastyǵy Ult josparynda kórinis tapqan Elbasy belgilegen baǵytty júzege asyrýǵa negizdelgen 70-ten astam shara ótkizdi. Osy oraıda biz «Bolashaq» prezıdenttik baǵdarlamasynyń ókilderi retinde Qazaqstan Prezıdenti men halqy júktegen barsha jaýapkershilikti túsine jáne qabyldaı otyryp, elimizdiń álemniń eń damyǵan 30 eli qataryna enýi boıynsha bar kúsh-jigerimizdi salamyz»,-dedi ol.
Aıta keteıik, Memleket basshysy Nursultan Nazarbaevtyń «Ult jospary - qazaqstandyq armanǵa bastaıtyn jol» maqalasy jarııalanǵan bolatyn. Onda 2016 jyldyń 1 qańtarynan «5 ınstıtýtsıonaldyq reformany júzege asyrý boıynsha 100 naqty qadam» - Ult josparyn oryndaýdyń praktıkalyq kezeńi bastalǵany atap ótildi.
«Memleketti, ekonomıka men qoǵamdy damytý úshin qaǵıdatty jańa quqyqtyq orta qalyptastyratyn 59 zań kúshine endi. Bizge tarıhymyzdaǵy buryn-sońdy bolmaǵan aýqymdaǵy ulttyq zańnamaǵa ózgeristerdi baǵamdaý mańyzdy. Onyń ústine, olar bizdiń qazaqstandyq armanymyz - HHІ ǵasyrda kóshbasshy otyz ulttyń biri bolýǵa qol jetkizýimizge jol ashady»,-dep jazdy QR Prezıdenti maqalasynda.