«Bolashaq» túlekteri aımaqtardan tájirıbe jınaqtaǵany durys - saıasattanýshy
«Jaqynda ǵana brıfıngte aımaqtarǵa qyzmetke turýǵa nıet bildirgen «bolashaqtyqtarǵa» jeńildikter qarastyrý kerek degen oı aıtyldy. Menińshe, bul - zańdy nárse. Prezıdent óz sózinde mamandar aýdandarda, jergilikti jerlerde tájirıbe jınaqtaýy tıis dep árdaıym aıtyp keledi. Eń tómengi satydan, joǵaryǵa birtindep kóterilýi tıis dep aıtady. Eger biz Memleket basshysynyń ómirbaıanyna qaraıtyn bolsaq, ol lıder bola bildi, osylaısha óz eliniń damýyn qamatamasyz etti. Ol qarapaıym jumysshydan bastady, keıin úlken apparattyq mektepten ótti. Qazaqstannyń táýelsizdik jyldaryndaǵy qalyptasýynda bul tájirıbe teńdessiz jetistikter ákeldi», - dep atap ótti ol.
Saıasattanýshynyń aıtýynsha, iri kásipkerlerdiń, bankırler, jas mamandardyń kóptigine qaramastan, Memleket basshysy ómirlik jáne kásibı tájirıbesi mol mamandarǵa kóp úmit artady.
«Olar daladan kelgen dıplomy bar adamdar emes. Máselen, Berik Imashev qarapaıym tergeýshi qyzmetinen mınıstrge deıin kóterildi, Áset Isekeshev kásibı-tehnıkalyq bilim berý mekemesinen keıin usta mamany boldy, qazir ınvestıtsııa jáne damý mınıstri laýazymyn atqarýda. Qansha synasa da, Prezıdenttiń kásipqoılarǵa bólip otyrǵan kóńili ózin-ózi aqtaýda. Tájirıbe bolmaı, jańa ekonomıkany qurý múmkin emes. Prezıdenttiń «100 naqty qadam» baǵdarlamasynda negizinen osy týraly aıtylady», - deıdi D.Áshimbaev.