Bolashaq stýdenttiń oqý aqysyn aldyn ala jınaqtaý júıesi qurylady

NUR-SULTAN. QazAqparat – QR Oqý-aǵartý mınıstrligi men Ǵylym jáne joǵary bilim mınıstrligi oqý aqysyn aldyn ala jınaıtyn «eskroý-shot» quralyn engizbekshi, dep habarlaıdy QazAqparat tilshisi.

Úkimet otyrysynda Ǵylym jáne joǵary bilim mınıstri Saıasat Nurbek osyndaı jospary bar ekenin aıtty.

«Bilim alýǵa qarajat jınaqtaý quraly retinde oqý-aǵartý mınıstrligimen birlese otyryp, balalar men stýdentterdiń jasyna qaraı bilim berýge qarjy jınaqtaýdyń memlekettik júıesin paıdalaný máselelerin pysyqtap jatyrmyz. Bul sharýany jınaqtaýshy 18 jasqa, ıaǵnı mektep bitirgenge deıin Oqý-aǵartý mınıstrligi, mektep bitirgennen keıin Ǵylym jáne joǵary bilim mınıstrligi retteıdi», - dep túsindirdi vedomstvo basshysy.

Atalǵan eskroý-shot arqyly vaýcherlik júıege kóshý kózdelip otyr.

«Saralanǵan granttar, ıaǵnı oqý aqysynyń 30%-ynan 100%-yna deıin berý usynylady. Saralanǵan grantty engizý tásilderi pysyqtalýda. Aldaǵy ýaqytta tártibin tanystyramyz», - dedi mınıstr.