«Bolashaq» stıpendııasyna úmitkerlerden qujattar qabyldaý merzimderi naqtylandy

ASTANA. QazAqparat - Bilim jáne ǵylym mınıstriniń 2015 jylǵy 10 aqpandaǵy № 59 buıryǵymen «Bolashaq» halyqaralyq stıpendııasyn taǵaıyndaý konkýrsyna qatysý úshin úmitkerlerden qujattar qabyldaý merzimderi bekitildi, dep habarlaıdy «Halyqaralyq baǵdarlamalar ortalyǵy» AQ.

«Aǵymdaǵy jyly qujattardy qabyldaý úsh kezeńde ótedi. Birinshi kezeń - 13 sáýirden bastap 8 mamyrdy qosa alǵandaǵy kezeńdi qamtıdy. Ekinshi kezeń - 8 maýsymnan bastap 10 shildeni qosa alǵandaǵy kezeń bolsa, úshinshi kezeńde 10 tamyzdan bastap 1 qazandy qosa alǵandaǵy kezeń qamtylmaq. Stıpendııa taǵaıyndaý konkýrsy 2015 jylǵy 12 mamyrdan bastap 2016 jylǵy 10 qańtardy qosa alǵandaǵy kezeńde ótedi», delingen habarlamada.

Buǵan qosa, QR Bilim jáne ǵylym mınıstriniń buıryǵymen 2015 jylǵa «Bolashaq» halyqaralyq stıpendııasyn taǵaıyndaý konkýrsy jeńimpazynyń oqýy, tildik kýrstardan ótýi úshin usynylatyn sheteldiń jetekshi joǵary oqý oryndarynyń,sheteldik uıymdardyń tizimi, sondaı-aq 2015 jylǵa «Bolashaq» halyqaralyq stıpendııasy sheńberinde shetelde oqý úshin mándes mamandyqtar tizbesi bekitilgen.