«Bolashaq» stıpendııasyn taǵaıyndaýdyń erejesi ózgerdi

ASTANA. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵymetov «Bolashaq» stıpendııasyn taǵaıyndaý erejesine engizilgen jańalyqtardy aıtyp berdi.

«Bıyl Úkimet Qaýlysymen jańa erejeler qabyldandy. 13 sáýirden bastap biz «Bolashaq» baǵdarlamasyna qujattardy qabyldaýdy bastadyq. Aǵymdaǵy jyly qujattardy qabyldaıtyn naýqan úshke bólindi»,-dedi ol.

Ótken jylǵydaı qujattardy ózindik kúshimen túskender, memlekettik qyzmetkerler men ǵylymı-pedagogıkalyq qyzmetkerler, JOO túlekteri, mádenıet qyzmetkerleri men BAQ ókilderi tapsyra alady. Sonymen qatar bıyl ınjenerler, medıtsınalyq jáne ǵylymı-pedagogıkalyq qyzmetkerler úshin taǵylymdama baǵdarlamasy jalǵasady.

Kvotalyq sanattaǵy ókilder tildik kýrstarǵa barar aldynda IELTS-tiń eń tómengi deńgeıi 4.0 quraýy tıis.

«Bıylǵy qyrkúıek-qazannan bastap barlyq kvotamen túsýshilerdiń tildik daıyndyǵy 6+6 jańa modelimen júrgiziledi. ıAǵnı, alǵashqy alty aıda árbir kvotalyq stıpendıat Qazaqstandaǵy eki ortalyqtyń bazasynda tildik daıyndyqtan ótedi. Osydan keıin aǵylshynsha aýyzeki sóıleýdi jáne akademııalyqty tolyq meńgerý úshin shetelge alty aıǵa barady»,-dedi Nyǵymetov.

Osy oraıda ol tildik daıyndyq kvota ıegerlerine 18 aıdan 12 aıǵa deıin qysqarǵanyn atap ótti. Ózindik kúshimen túskender tildik daıyndyqqa muqtaj emes, sondyqtan da olar sheteldik joǵary oqý oryndarynan shaqyrtý usynylǵan jaǵdaıda birden akademııalyq oqýǵa jiberiledi.

«Sonymen birge budan buryn «Bolashaq» baǵdarlamasynan tys magıstr nemese PhD doktory dárejesin alǵan úmitkerler bizdiń baǵdarlama boıynsha osyndaı balamaly dárejede bilim alýǵa qamtylmaǵan edi. Endi bıyldan bastap osy normanyń kúshi joıyldy»,-dedi ol.

Sóz sońynda Nyǵymetov doktorantýraǵa túsetin úmitkerler úshin dıplomnyń ortasha balynyń shekti deńgeıi 5-ten 4-ke deıin tómendetilgenin atap ótti.