«Bolashaq» stıpendıatynyń múliktik kepili jumys berýshi kelisimshartymen almastyrylýy múmkin

NUR-SULTAN. QazAqparat - «Bolashaq» baǵdarlamasymen shetelde bilim alǵysy kelgen azamattar memleket aldyndaǵy múliktik kepilin bolashaqta jumys berýshiniń kelisimshartymen almastyra alýy múmkin. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Bilim jáne ǵylym vıtse-mınıstri Rústem Bıǵarı aıtty, dep habarlaıdy QazAqparat tilshisi.

«Shynymen de, kepildik múlikpen qamtamasyz etý másele bar. Biz jańa ereje aıasynda jumyspen óteýmen qatar kepildik múlikke de qatysty yńǵaıly ádisti qarastyratyn bolamyz. Shetelge oqýǵa jiberýge tapsyrys berýshi, Halyqaralyq baǵdarlamalar ortalyǵy jáne ýnıversıtet arasynda birlesken úshjaqty kelisimshart jasasý máselesi qarastyrylyp jatyr», - dedi ol BAQ ókilderiniń saýalyna oraı.

Buǵan deıin habarlaǵanymyzdaı, kelesi jyldan bastap «Bolashaq» baǵdarlamasynyń erejesi ózgeredi. Oǵan sáıkes, 2020 jyldan úmitkerlerge jańa talap qoıylady.

Atap aıtqanda, basymdyqqa ıe mamandyqtarǵa basa nazar aýdarylady. Stıpendııaǵa úmitkerler aǵylshyn tiline jetik bolǵandyqtan kelesi jyldan bastap shetelge jibermes buryn tildik daıyndyqtan ótý talaby alynyp tastalady. Sonymen qatar, «Taǵy bir jańalyq - biz memlekettik qyzmetshiler úshin, ınjenerlik-tehnıkalyq mamandyqtar úshin kvotanyń barlyq túri joıylady.