«Bolashaq» stıpendıattary Forbes reıtıngine engen álemniń eń tanymal óndiristerinde taǵylymdamadan ótedi

ASTANA. QazAqparat - «Bolashaq» stıpendıattary Forbes tizimine engen álemniń eń tanymal óndiristerinde taǵylymdamadan ótedi. Bul týraly búgin Ortalyq kommýnıkatsııalar qyzmetinde «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

Onyń aıtýynsha, bıyl «Bolashaq» stıpendııasyn sapalyq turǵyda joǵarylatý boıynsha birqatar talaptar kúsheıtilgen jáne jańa qaǵıdattar engizilip otyr.

«Bıyldan bastap til biliktiligine talaptar kúsheıtildi. Aǵylshyn tiliniń deńgeıi IELTS-tiń 4.0 balynan tómen bolmaýy tıis. Joǵary oqý oryndarynyń tizimi qaıtadan qaraldy. Taǵylymdamadan ótetin kásiporyndarǵa talap kúsheıdi. Qazir biz óz mamandarymyzdy álemde tek eń úzdik oryndarǵa ıe uıymdarǵa jiberemiz. Olar - Forbes, Fortune, Financial Times reıtıngisine engen eń tanymal óndirister. Sonymen qatar biz Ulybrıtanııa jáne AQSh elderindegi akademııalyq JOO-ynyń tizimin qaıta pysyqtadyq», - deıdi ol.

Onyń aıtýynsha, bıyl 1100-ge tarta stıpendııa bólingen. Aldaǵy ýaqyttarda oǵan laıyq úmitkerler irikteletin bolady.