«Bolashaq» stıpendıattary Elbasynyń saýyǵyp ketýin tiledi
«Koronavırýs pandemııasy qarqyndy túrde taraýda. Ókinishke qaraı, búgin Elimizdiń Tuńǵysh Prezıdenti - Elbasy, «Bolashaq» Halyqaralyq stıpendııasynyń negizin qalaýshy Nursultan Nazarbaevtyń koronavırýs indetin juqtyrǵany belgili boldy. Tuńǵysh Prezıdentimiz – Qazaqstannyń sońǵy 30 jylynda álemdik eldermen ıyq tiresip, bıikterde kók týymyzdyń jelbireýine septigin tıgizgen tulǵa. Elbasynyń arqasynda «Bolashaq» baǵdarlamasy arqyly myńdaǵan jas qazaqstandyqtar álemniń tańdaýly ýnıversıtetterinde bilim alýǵa múmkindik aldy.
Eliniń senimi men úmitin aqtaǵan Tuńǵysh Prezıdentimiz osy synaqtan aman-saý ótip, densaýlyǵy myqty bolsyn dep tileımiz», - dep jazylǵan «Bolashaq» qaýymdastyǵynyń resmı paraqshasynda.
«Qurmetti dostar, sanıtarlyq, dezınfektsııalyq saqtyq sharalaryn barynsha qarastyryp, asa qaýipti indettiń taralýyna jol bermeı, aldyn alaıyq, abaı bolaıyq! Bul ýaqytsha ótpeli kezeń. Birligimiz ben yntymaǵymyzdyń arqasynda qıyn kezeńdi de eńserip, talaı jetistikterge jetetinimizge senimimiz mol! Biz bul indetti birge eńseremiz!», - deıdi bolashaqtyqtar.