Bolashaq polıtseılerdi jumysqa qabyldaý barysynda olardyń áleýmettik jelilerdegi is-áreketteri eskeriledi

ASTANA. 4 maýsym. QazAqparat - Bolashaq polıtseılerdi jumysqa qabyldaý barysynda olardyń áleýmettik jelilerdegi is-áreketteri eskeriledi. Bul týraly búgin quqyq qorǵaý organdaryndaǵy kadr saıasaty tujyrymdamasyn talqylaý máselelerine arnalǵan dóńgelek ústel otyrysynda QR Bas prokýrorynyń orynbasary Jaqyp Asanov málim etti.

Onyń atap ótýinshe, kadrlardy irikteý jáne ornalastyrýdy jetildirýge baǵyttalǵan mundaı sharalar quqyq qorǵaý organdarynyń kadrlyq saıasaty tujyrymdasynda qarastyrylǵan.

«Eń aldymen kandıdattyń adamgershilik sapasyn anyqtaý mańyzdy. Baǵalaý tetigi esse, úshinshi tulǵanyń minezdemesi, áleýmettik jelilerdegi is-áreketterin zerdeleý, jastar uıymdarynda júzege asyrylǵan bastamalaryn saraptaý bolýy múmkin. ıAǵnı, bizderde adam ómiri úlgisiniń tolyq kelbeti bolýy tıis», - dedi ol.

Sonymen qatar J.Asanovtyń atap ótýinshe, kandıdattyń áleýmettik belsendiligine, ómirlik ustanymyna, kózqarasy men ustanymynyń beriktigine, adaldyǵyna, otansúıgishtik deńgeıine de basa nazar aýdarý qajet.