«Bolashaq» qaýymdastyǵynyń tóraǵasy qaıta saılanady
Belgili bolǵandaı, 6 jyldan astam bolashaqtyqtardyń kóshbasshysy Baýyrjan Baıbek bolǵan edi. 2008 jyldan bastap ol Qaýymdastyqqa basshylyq etedi jáne Keńes Tóraǵasy bolyp tabylady. Keńes 17 músheden quralǵan, solardyń ishinde memlekettik jáne bıznes qurylymdardyń, ulttyq kompanııalar, bankter, damý ınstıtýttarynyń basshylary, saıası memlekettik qyzmetkerler men úkimettik emes uıym ókilderi bar. Ýákilettik etý merzimi aıaqtalýyna baılanysty Keńes quramy keminde jartysyna jýyq jańartylady. Bul týraly «Nur Otan» partııasynyń baspasóz qyzmetinen habarlady.
14 jyl buryn qurylǵan Qaýymdastyq búgingi tańda eń tabysty qoǵamdyq uıymdardyń birine aınaldy. Ol prezıdenttik baǵdarlamanyń 10 myńnan astam stıpendıanttarynyń múddelerin qorǵaıdy, munda tek bolashaqtyqtar ǵana emes, sonymen birge belsendi qazaqstandyq jastar biriktirilgen.
Osy ýaqyt aralyǵynda bolashaqtyqtar bilim berý, bilim transferti, ulttyq mádenıetti jáne memlekettik tildi damytý, sarapshylyq áleýetti qalyptastyrý salasynda 60 astam iri áleýmettik jobany iske asyrdy.